29 Desember 2020
my kop draai nog in die rondte
ek kan nie die omvang van wat gebeur het beskryf nie
as ek my joernaal oopmaak en my pen optel
slaan die woorde toe
ek wil vir nou eers net hier bly
hier
in die Hande van die Wonderwerker
26 Desember 2020
ek het haar drie-en-twintig dae laas in lewende lywe gesien
ek sanitize
hou my asem op
loop stadig deur haar steriele, veilige voordeur
sy loop reg in my arms in
“ma is in my, deel van my, ons is veilig”
ons sit ver uitmekaar
sy vertel haar storie
jakaranda hospitaal ervaring
ek vertel my storie
urologie hospitaal ervaring
ons bou ons legkaart
soek-soek na verlore stukkies
probeer sin maak
praat oor die onseker
die bang
en uiteindelik die W-O-N-D-E-R-W-E-R-K
ek verkyk myself aan haar
pienk wangetjies
helder blou oë
sy spuit die tuin nat
dra vir my rooibostee en koekies aan
hoe gaan dit, vra die whatsapp boodskappe
skryf net! skryf ‘n blog, sê my vriendin
hierdie storie is te groot vir ‘n blog
hierdie storie vra spasie
hierdie storie is ‘n boek
14 thoughts on “die wonderwerker”
Ek juig saam met julle oor die groot genade. Skryf daardie boek, Liza!
Daardie boek is op die 2021 doelwit-lys!
Wonderlike nuus… so baie bly saam met julle… mag die nuwe jaar net die beste inhou vir julle.. blessings xxxx
Baie dankie!
Ek sit sommer net by my sigselwers en hui stilletjies, Liza. God se liefde is so oneindig groot! Dankie dat jy hierdie kom neerskryf het.
Ek het ook oomblikke waar die dankie-Here-huil net vanself kom.
Ja ‘n boek….! Ek is sprakeloos. My hart en siel en liefde is by julle…..
Ek voel jou hart en siel en liefde en dis kosbaar – dankie☘☘☘☘
Ek het so baie gewonder en stil gebid en hier kom vertel jy van ‘n wonderwerk.,
Dankie vir al die gebede – ons kon dit letterlik in die gees voel. Daar was te veel onsekerheid. Op-en-af en chaos met Covid om die detail van ons lewe die afgelope twee maande te deel. Ons wou eers seker wees voordat ons iets deel. Nou is ons seker… dit het gebeur. #itisfinished
Amen. Allesbeste.
..ek hallelujah saam. Seënwense
Hoendervleis op hoendervleis rillings gaan deur my lyf……As jy hulp kort met die boek kontak my. Ek het n baie spesiale kind van God in die Kaap wat haar eie uitgewery het. MediaforOne. Elaine Broekman.
Baie dankie! Sal jy asb. vir my jou kontakdetails gee? lborstlap@gmail.com